About This Course

課程介紹

法式油封鴨腿 x 法包班
法式油封鴨腿（Duck Confit）係一道經典法國菜，經過醃製，再以鴨油低溫慢煮，令鴨肉保持軟嫩，最後將鴨皮煎至香脆。

今堂除咗示範法式油封鴨腿，仲會教大家製作法式鴨肉絲醬（Duck Rillettes），配搭親手製作嘅法包，一堂學識三款可以互相配搭嘅法式料理。

唔需要專業廚房設備，喺屋企一樣可以做到，無論自己享用或者招呼朋友都好適合。

課程特色
今堂將法式麵包同兩款經典鴨肉料理放埋一齊，除咗學習個別做法，亦可以了解佢哋點樣互相配搭。

法包由每位同學親手製作，一人一份材料，唔使分組。油封鴨腿及鴨肉絲醬則由 Fai Sir 示範，講解當中嘅製作原理及家庭操作技巧。