意大利粉麵循環 7

煙燻芝士豬肉腸碎貝殼意粉
Smoked Cheese Pork Sausage Malloreddus
煙燻芝士香濃順滑，配上豬肉腸碎同貝殼意粉，味道濃郁之餘亦特別掛汁。
課堂亦會教授煙燻香草醬、雞湯底及魚湯底，呢啲都係自製意粉醬汁非常重要嘅基礎。

實習: 搓麵團、手工貝殼意粉造型
示範: 自製煙燻香草醬、自製雞湯底、自製魚湯底、意粉烹調及完成示範
帶走: 80克煙燻香草醬、300克貝殼意粉

海膽意大利麵
Uni Pasta
海膽鮮味配手工意粉，味道簡潔，食落特別回味。同學亦會學用炸茄子皮完成擺盤，令成品口感同賣相更完整。

實習: 搓麵團、手工意大利麵或闊條麵造型
示範: 海膽汁、炸茄子皮、意粉烹調及完成示範
帶走: 300克意大利麵或闊條麵

鴨肉丸蒜蓉番茄忌廉汁直通粉
Rigatoni with Duck Meatballs in Garlic Tomato Cream Sauce
鴨肉丸香濃扎實，配上自製蒜蓉番茄忌廉汁，掛上直通粉後特別入味。同學亦會學埋自製鴨肉丸，之後可靈活用於其他料理，實用性更高。

實習: 搓麵團、手工直通粉造型
示範: 自製鴨肉丸、自製番茄醬、墨魚汁薄脆、自製蒜茸醬、意粉烹調及完成示範
帶走: 10粒鴨肉丸、200克番茄醬、60克蒜茸醬、300克直通粉

辣番茄醬蟹肉意大利麵
Spicy Tomato Crab Pasta
番茄酸香配上蟹肉鮮味，再加少少辣，整體開胃又有層次。
手工意粉可按喜好做成直條意大利麵或闊條麵，感受不同麵型嘅掛汁效果。

實習: 搓麵團、手工意大利麵或闊條麵造型
示範: 意粉烹調及完成示範
帶走: 200克辣番茄醬、300克意大利麵或闊條麵

西班牙杜洛克肉碎芫荽忌廉粗麵
Pici with Spanish Duroc Pork and Coriander Cream
西班牙豬肉碎香味濃郁，配上芫荽忌廉醬，味道香之餘又帶少少清新感。唔食芫荽嘅同學，亦可以直接用忌廉完成呢款意粉。

實習: 搓麵團、手工Pici麵造型
示範: 自製芫荽醬、風乾火腿片裝飾、意粉烹調及完成示範
帶走: 100克芫荽醬、300克粗麵

帝王蟹腳檸檬薄荷意大利麵
Pasta with King Crab Legs and Lemon Mint Sauce
帝王蟹腳配上檸檬薄荷醬汁，味道清新之餘亦有層次。整道意粉口味較輕盈，特別適合想學清爽風味意粉嘅同學。

實習: 搓麵團、手工意大利麵或闊條麵造型
示範: 檸檬薄荷汁、帝王蟹腳處理方法、意粉烹調及完成示範
帶走: 300克手工意大利麵或闊條麵

野菌牛尾意大利麵
Wild Mushroom Oxtail Pasta
會用到牛肝菌同羊肚菌，將野菌香氣同牛尾醬汁慢慢帶出，味道濃郁之餘亦更有層次。配上手工意大利麵，再加上紅花薄脆裝飾，令整道菜由味道到口感都更上一層樓。

實習: 搓麵團、手工意大利麵或闊條麵造型
示範: 牛尾燉煮方法、牛尾汁、紅花薄脆裝飾、意粉烹調及完成示範
帶走: 6-8件牛尾、100-150克牛尾汁

海鮮紅花香橙忌廉汁螺絲卷粉
Seafood Busiate with Saffron Orange Cream Sauce
海鮮鮮味配上紅花香橙忌廉汁，味道清新，層次突出。配上螺絲卷粉後更容易掛汁，每一啖都食到醬汁同海鮮嘅香氣。

實習: 搓麵團、手工螺絲卷粉造型
示範: 紅花香橙忌廉汁、意粉烹調及完成示範
帶走: 300克螺絲卷粉